مومن - شب جو مسجد میں جا پھنسے مومن

وہ جو ہم میں تم میں قرار تھا تمہیں یاد ہو کہ نہ یاد ہو

وہی  وعدہ  یعنی  نباہ   کا  ، تمہیں  یاد  ہو کہ   نہ  یاد   ہو

------------

شب جو مسجد میں جا پھنسے مومن
رات   کاٹی  خدا   خدا   کر  کے

------------

اس نقش پا کے سجدے نےکیا کیا کیا ذلیل

میں کوچہ  رقیب  میں بھی سر کے بل   گیا

------------

کچھ  نہیں   نظر  آتا   آنکھ  لگتے   ہی  ناصح

گر نہیں یقیں حضرت، آپ بھی لگا دیکھیں

------------

تم میرے پاس ہوتے ہو گویا

جب  کوئی  دوسرا  نہیں  ہوتا

تم ہمارے کسی طرح نہ ہوئے

ورنہ  دنیا  میں  کیا  نہیں  ہوتا 

------------ 

ہنستے  جو  دیکھتے   ہیں  کسی   کو   کسی  سے  ہم 

منہ دیکھ دیکھ روتے ہیں کس بے کسی سے ہم 

------------ 

ہرگز  نہ  رام  وہ  صنم  سنگدل   ہوا 

مومن ہزار حیف کہ ایماں عبث گیا 

------------ 

پیہم  سجود  پائے  صنم  پر  دم  و  داع 

مومن خدا کو بھول گئے اضطراب میں 

------------ 

پروانے کو کس لیے جلایا  تھا اے شمع 

بے جرم کو  خاک میں  ملایا  اے شمع

مومن - منّتِ حضرتِ عیسٰی نہ اٹھائیں گے کبھی

منّتِ   حضرتِ   عیسٰی   نہ    اٹھائیں    گے  کبھی

زندگی   کے   لیے   شرمندۂ   احساں   ہوں  گے؟

چاکِ پردہ سے یہ غمزے ہیں، تو اے پردہ نشیں

ایک میں کیا  کہ سبھی  چاک گریباں  ہوں  گے

  

پھر   بہار   آئی     وہی     دشت     نوردی     ہوگی

پھر   وہی   پاؤں ،  وہی    خارِ  مُغیلاں   ہوں   گے

 

سنگ  اور  ہاتھ  وہی  ،  وہ    ہی  سر  و  داغِ  جنوں

وہی ہم ہوں گے، وہی  دشت  و  بیاباں  ہوں  گے

 

عمر   ساری    تو    کٹی  عشقِ  بتاں   میں    مومن

آخری  وقت  میں  کیا  خاک  مسلماں  ہوں   گے

مومن - ناوک انداز جدھر دیدۂ جاناں ہوں گے

ناوک انداز جدھر دیدۂ جاناں ہوں گے

نیم بسمل کئی ہوں گے، کئی بے جاں ہوں گے

تابِ نظّارہ نہیں ، آئینہ کیا دیکھنے دوں

اور بن جائیں گے تصویر، جو حیراں ہوں گے

تو کہاں جائے گی ، کچھ اپنا ٹھکانا کر لے

ہم تو کل خوابِ عدم میں شبِ ہجراں ہوں گے

ایک ہم ہیں کہ ہوئے ایسے پشیمان کہ بس

ایک وہ ہیں کہ جنھیں چاہ کے ارماں ہوں گے

ہم نکالیں گے سن اے موجِ ہوا ، بل تیرا

اس کی زلفوں کے اگر بال پریشاں ہوں گے

مومن - دیدہ حیراں نے تماشا کیا

دیدہ حیراں نے تماشا کیا

دیر تلک وہ مجھے دیکھا کیا

ضبط فغاں گو کہ اثر تھا کیا

حوصلہ کیا کیا نہ کیا، کیا کیا

انک نہ لگنے سے سب احباب نے

آنکھ کے لگ جانے کا چرچا کیا

 مر گئے اس کے لب جاں بخش پر

ہم نے علاج آپ ہی اپنا کیا

غیر عیادت سے برا مانتے

قتل کیا آن کے اچھا کیا

جاے تھی تیری میرے دل میں سو ہے

غیر سے کیوں شکوۂ بے جا کیا

رحم فلک اور مرے حال پر

تو نے کرم اے ستم آرا کیا

مومن دشمن ہی رہے بت سدا 

مجھ سے مرے نام نے یہ کیا کیا

عمر خیام - از منزل کفر تا بہ دين يک نفس است

از منزل کفر تا بہ دين يک نفس است

و ز عالم ِ شک تا بہ یقین یک نفس است

این یک نفس عزیز عمر ما ہمیں یک نفس است

کز حاصل عمر ما ہمیں یک نفس است

ساحر - اے رہبر ملک و قوم بتا

آنکھیں تو اٹھا نظریں تو ملا 

کچھ ہم بھی سنیں ، ہم کو بھی بتا 

یہ کس کا لہو ہے کون مرا 

دھرتی کی سلگتی چھاتی کے بے چین شرارے پوچھتے ہیں 

تم لوگ جنہیں اپنا نہ سکے وہ خون کے دھارے پوچھتے ہیں 

سڑکوں کی زباں چلاتی ہے، ساگر کے کنارے پوچھتے ہیں 

یہ کس کا لہو ہے کون مرا

اے رہبر ملک و قوم بتا 

یہ کس کا لہو ہے کون مرا 

وہ کون سا جذبہ تھا جس سے فرسودہ نظام زیست ملا 

جھلسے ہوئے ویراں گلشن میں اک آس امید کا پھول کھلا 

جنتا کا لہو فوجوں سے ملا ، فوجوں کا لہو جنتا سے ملا 

اے رہبر ملک و قوم بتا 

یہ کس کا لہو ہے کون مرا 

اے رہبر ملک و قوم بتا 

کیا قوم وطن کی جے گا کر مرتے ہوئے راہی غنڈے تھے 

جو دیس کا پرچم لے کے اٹھے وہ شوخ سپاہی غنڈے تھے 

جو بار غلامی سہہ نہ سکے ، وہ مجرم شاہی غنڈے تھے 

یہ کس کا لہو ہے کون مرا 

اے رہبر ملک و قوم بتا 

یہ کس کا لہو ہے کون مرا 

اے عزم فنا دینے والو! پیغام بقا دینے والو 

اب آگ سے کیوں کتراتے ہو؟ شعلوں کو ہوا دینے والو 

طوفان سے اب ڈرتے کیوں ہو؟ موجوں کو صدا دینے والو 

کیا بھول گئے اپنا نعرہ 

اے رہبر ملک و قوم بتا 

یہ کس کا لہو ہے کون مرا 

سمجھوتے کی امید سہی، سرکار کے وعدے ٹھیک سہی 

ہاں مشق ستم افسانہ سہی، ہاں پیار کے وعدے ٹھیک سہی 

اپنوں کے کلیجے مت چھیدو اغیار کے وعدے ٹھیک سہی 

جمہور سے یوں دامن نہ چھڑا 

اے رہبر ملک و قوم بتا 

یہ کس کا لہو ہے کون مرا

نامعلوم - جوش جوانی ہے، ذرا جھوم کے چلتے ہیں

ٹرک کے پیچھے لکھا ہوا شعر

جوش جوانی  ہے ، ذرا  جھوم  کے چلتے ہیں

لوگ سمجھتے ہیں، ڈرائیور کچھ پی کے چلتے ہیں

شورش کاشمیری - فضا میں رنگ ستاروں میں روشنی نہ رہے

فضا میں رنگ ستاروں میں روشنی نہ رہے

ہمارے بعد یہ ممکن ہے زندگی نہ رہے

خیال خاطر احباب واہمہ ٹھہرے

اس انجمن میں کہیں رسم دوستی نہ رہے

فقیہہ شہر کلام خدا کا تاجر ہو

خطیب شہر کو قرآں سے آگہی نہ رہے

قبائے صوفی و ملا کا نرخ سستا ہو

بلال چپ ہو، اذانوں میں دلکشی نہ رہے

نوادرات قلم پر ہو محتسب کی نظر

محیط ہو شب تاریک روشنی نہ رہے

اس انجمن میں عزیزو یہ عین ممکن ہے

ہمارے بعد چراغوں میں روشنی نہ رہے

اقبال - میرِ سپاہ ناسزا، لشکر یاں شکستہ صف

میرِ  سپاہ  ناسزا،  لشکر یاں  شکستہ  صف

آہ! وہ تیرِ نیم کش جس کا نہ ہو کوئی ہدف

تیرے   محیط  میں  کہیں   گوہرِ   زندگی   نہیں

ڈھونڈ چکا میں موج موج، دیکھ چکا صدف صدف

عشقِ بتاں سے ہاتھ اٹھا، اپنی خودی میں ڈوب جا

نقش  و  نگار  دَیر   میں   خونِ   جگر  نہ  کر  تلف

کھول کے کیا بیاں کرو سرِ مقامِ مرگ و عشق

عشق ہے مرگِ باشرف،  مرگ حیاتِ  بے شرف

صحبتِ پیرِ روم سے مجھ پہ ہوا یہ راز فاش

لاکھ حکیم سر بجیب ، ایک کلیم  سر بکف

مثلِ  کلیم   ہو   اگر   معرکہ    آزما    کوئی

اب بھی درختِ طور سے آتی ہے بانگِ لاتخف

خیرہ نہ  کر  سکا  مجھے  جلوۂ  دانش  فرنگ

سرمہ  ہے میری آنکھ کا خاک مدینہ  و  نجف

اقبال - ہر کہ عشق مصطفی سامان اوست

ہر کہ عشق مصطفی سامان اوست

بحر و   بر  در  گوشہ دامان اوست

سوز صدیق و علی از حق طلب

ذرہ  عشق  نبی  از  حق طلب

زاں کہ ملت را حیات از عشق اوست

برگ و ساز کائنات  از   عشق  اوست

روح را  جز  عشق  او  آرام نیست

عشق او روز یست کو راشام نیست

حفیظ جالندھری - سلام اے آمنہ کے لال، اے محبوبِ سبحانی

سلام اے آمنہ کے لال، اے محبوبِ سبحانی

سلام اے  فخرِ  موجودات، فخرِ  نوعِ  انسانی

سلام اے ظِلِ رحمانی، سلام اے نورِ یزدانی

تِرا نقشِ  قدم  ہے  زندگی  کی  لوحِ  پیشانی

سلام اے سِرِ وحدت، اے سِراجِ بزم ایمانی

زہے  یہ  عِزت افزائی،  زہے  تشریف  ارزانی

تِرا در ہو، مِرا سر  ہو  مِرا  دل  ہو،  تِرا  گھر  ہو

تمنا    مختصر    سی     ہے     مگر     تمہید     طولانی

سلام   اے   آتشیں   زنجیرِ    باطل   توڑنے   والے

سلام اے خاک کے ٹوٹے ہوئے دل جوڑنے والے

ساحر - یہ شاہراہیں اسی واسطے بنی تھیں کیا؟

یہ   شاہراہیں  اسی   واسطے   بنی   تھیں  کیا؟

کہ ان پہ دیس کی جنتا سسک سسک کے مرے

زمیں نے کیا  اسی کارن اناج  اگلا تھا؟

کہ نسل ِ آدم و حوا بلک بلک کے مرے

ملیں اسی لئے ریشم کے ڈھیر بنتی  ہیں؟

کہ  دختران  وطن  تار  تار  کو   ترسیں

چمن کو اس لئے مالی نے خون سے سینچا تھا؟

کہ  اس  کی  اپنی   نگاہیں  بہار   کو   ترسیں

نامعلوم - مرے گیت - مرے سرکش ترانے سن کر دنیا یہ سمجھتی ہے

مرے  سرکش ترانے  سن کر  دنیا  یہ  سمجھتی  ہے

کہ شاید میرے دل کو عشق کے نغموں‌سے نفرت ہے

مجھے  ہنگامہ  جنگ  و  جدل  میں کیف  ملتا   ہے

مری فطرت کو خوں ریزی کے افسانوں سے رغبت ہے

مری دنیا میں کچھ وقعت نہیں ہے رقص و نغمہ کی

مرا   محبوب   نغمہ    شورِ    آہنگِ   بغاوت    ہے

مگر اے کاش دیکھیں وہ مری پرسوز راتوں کو

میں‌جب تاروں‌ پہ نظریں گاڑ کر آنسو بہاتا ہوں

تصور  بن  کے  بھولی  وارداتیں  یاد   آتی  ہیں

تو سوز و درد کی شدت سے پہروں تلملاتا ہوں

کوئی خوابوں میں‌ خوابیدہ امنگوں‌ کو جگاتی  ہے

تو اپنی زندگی کو  موت کے  پہلو  میں  ‌پاتا  ہوں

میں شاعر ہوں مجھے فطرت کے نظاروں سے الفت ہے

مرا    دل   دشمن   نغمہ   سرائی    ہو    نہیں‌  سکتا

مجھے انسانیت کا درد بھی بخشا ہے قدرت نے

مرا  مقصد  فقط  شعلہ  نوائی  ہو  نہیں  سکتا

جواں‌ ہوں میں، جوانی لغزشوں کا ایک طوفاں ہے

مری  باتوں‌  میں  رنگ  پارسائی  ہو   نہیں‌  سکتا

مرے سرکش ترانوں کی حقیقت  ہے، تو  اتنی  ہے

کہ جب میں‌دیکھتا ہوں‌بھوک کے مارے انسانو‌ں‌کو

غریبوں، مفلسوں‌کو، بےسکوں‌کو، بے سہاروں‌کو

سسکتی   نازنینوں   کو ،  تڑپتے    نوجوانوں‌   کو

حکومت کے  تشدد  کو ،  امارت  کے  تکبر  کو

کسی کے چیتھڑوں کو، اور شہنشاہی خزانوں کو

تو   دل   تابِ   بزم   عشرت   لا   نہیں   سکتا

میں چاہوں بھی تو خواب آور ترانے گا نہیں سکتا

اقبال - من ہیچ نمی ترسم از حادثۂ شب ہا

من ہیچ  نمی ترسم  از حادثۂ  شب  ہا

شبہا کہ سحر گردد از گردش کوکب ہا

نشناخت  مقام   خویش  افتاد  بدام  خویش

عشقی کہ نمودی خواست از شورش یارب ہا

آہی کہ ز دل خیزد از  بہر جگر سوزی است

در  سینہ  شکن  او  را  آلودہ  مکن  لب  ہا

در میکدہ باقی نیست از ساقی فطرت خواہ

آن می کہ نمی گنجد  در شیشۂ مشرب ہا

آسودہ نمی گردد آندل کہ گسست از دوست

با  قرأت  مسجد ہا   با   دانش  مکتب  ہا

نامعلوم - شیش محل میں رہنے والو ہم پر پتھر نہ پھینکو

شیش محل میں رہنے والو ہم پر پتھر نہ پھینکو

پتھر واپس لوٹیں گے تو شیش محل کا کیا ہو گا

نامعلوم - چند کلیاں نشاط کی چن کر

چند  کلیاں  نشاط  کی  چن کر

مدتوں  محوِ   یاس  رہتا   ہوں

تیرا ملنا  خوشی  کی  بات  سہی

تجھ سے مل کر اداس رہتا ہوں

اقبال - قوم مذہب سے ہے مذہب جو نہیں تم بھی نہیں

قوم مذہب سے ہے مذہب جو نہیں تم بھی نہیں

جذب  باہم  جو  نہیں ،  محفل ِ انجم بھی نہیں

تو نہ مٹ جائے گا ایران کے مٹ جانے سے

نشہ   قے  کو  تعلق   نہیں   پیمانے   سے

اپنی ملت پر قیاس اقوامِ مغرب سے نہ کر

خاص ہے ترکیب میں قوم ِ رسولِ ہاشمی

دامن دیں ہاتھ سے چھوٹا تو جمعیت کہاں

اور جمعیت ہوئی رخصت تو ملت بھی گئی

یہی مقصود فطرت ہے یہی رمز مسلمانی

اخوت کی جہانگیری ، محبت کی فراوانی

بتان رنگ و خوں کو توڑ کر ملت میں گم ہوجا

نہ  تورانی   رہے   باقی  ،  نہ   ایرانی  نہ  افغانی

ہوس نے ٹکڑے ٹکڑے کر دیا ہے نوع انساں کو

اخوت کا بیاں ہو جا ، محبت  کی  زباں ہو جا

یہ ہندی ، وہ خراسانی ، یہ افغانی ، وہ تورانی

تو اے شرمندہ ساحل ، اچھل کر بیکراں ہوجا

ربط ملت و ضبط ملت بیضا ہے مشرق کی نجات

ایشیا والے ہیں اس نکتے سے  اب  تک  بے خبر

ایک ہوں مسلم حرم کی پاسبانی کے لئے

نیل کے ساحل سے لے کر تا بخاک کاشغر

نسل گر مسلم کی مذہب پر مقدم ہوگئی

اڑ گیا دنیا سے تو  مانند  خاک  رہ  گزر

اس دور میں قوموں کی محبت بھی ہوئی عام

پوشیدہ   نگاہوں   سے   رہی   وحدت   آدم

تفریق ملل حکمت افرنگ کا مقصود

اسلام  کا  مقصود  فقط  ملت  آدم

مکہ نے دیا خاک جینو ا کو یہ پیغام

جمعیت   اقوام   ہے  جمعیت   آدم

اقبال - دگرگوں ہے جہاں ، تاروں کی گردش تیز ہے ساقی

دگرگوں ہےجہاں ، تاروں کی گردش تیز ہےساقی

دل  ہر  ذرہ  میں غوغائے  رستا خیز   ہے  ساقی

متاع دین و دانش لٹ گئی اللہ والوں کی

یہ کس کافر ادا کا غمزۂ خوں ریز ہے ساقی

وہی دیرینہ بیماری ، وہی نا محکمی دل کی

علاج اس کا وہی آب نشاط انگیز ہے ساقی

حرم کے دل میں سوز  آرزو  پیدا نہیں ہوتا

کہ پیدائی تری اب تک حجاب آمیز ہے ساقی

نہ اٹھا پھر کوئی رومی عجم کے لالہ زاروں سے

وہی  آب و  گل  ایراں ، وہی  تبریز  ہے  ساقی

فقیر راہ کو بخشے گئے اسرار سلطانی

بہا میری نوا کی دولت پرویز ہے ساقی

نہیں ہے ناامید اقبال اپنی کشت ویراں سے

ذرا نم ہو تو یہ مٹی بہت  زرخیز  ہے ساقی

اقبال - لا پھر اک بار وہی بادہ و جام اے ساقی

لا پھر اک بار وہی بادہ و جام اے ساقی

ہاتھ آ جائے مجھے میرا مقام اے ساقی!

تین سو سال سے ہیں ہند کے میخانے بند

اب مناسب ہے ترا فیض ہو  عام  اے ساقی

مری مینائے غزل میں  تھی  ذرا  سی  باقی

شیخ کہتا ہے کہ ہے یہ بھی حرام اے ساقی

شیر مردوں سے ہوا بیشۂ تحقیق تہی

رہ گئے صوفی و ملا کے غلام اے ساقی

عشق کی  تیغ  جگردار  اڑا  لی  کس  نے

علم کے ہاتھ میں خالی ہے نیام اے ساقی

سینہ روشن ہو تو ہے سوز سخن عین حیات

ہو نہ روشن ، تو سخن مرگ دوام اے ساقی

تو مری رات کو مہتاب سے محروم نہ رکھ

ترے پیمانے میں  ہے  ماہ  تمام  اے ساقی

اقبال - کتنی مشکل زندگی ہے کس قدر آساں ہے موت

کتنی مشکل زندگی ہے کس قدر آساں ہے موت

گلشن ہستی میں مانند نسیم ارزاں ہے موت

زلزلے ہیں، بجلیاں ہیں، قحط ہیں، آلام ہیں

کیسی کیسی دختران مادر ایام ہیں

کلبہ افلاس میں، دولت کے کاشانے میں موت

دشت و در میں شہر میں گلشن میں ویرانے میں موت

موت ہے ہنگامہ آرا قلزم خاموش میں

ڈوب جاتے ہیں سفینے موت کی آغوش میں

نے مجال شکوہ ہے، نے طاقت گفتار ہے

زندگانی کیا ہے، اک طوق گلو افشار ہے

قافلے میں غیر فریاد درا کچھ بھی نہیں

اک متاع دیدہ تر کے سوا کچھ بھی نہیں

اقبال - کیا سناتا ہے مجھے ترک و عرب کی داستاں

کیا سناتا ہے مجھے ترک و عرب کی داستاں

مجھ سے کچھ پنہاں نہیں اسلامیوں کا سوز و ساز

لے گئے تثلیث کے فرزند میراثِ خلیل

خشت بنیادِ کلیسا بن گئی خاک حجاز

ہوگئی رسوا زمانے میں کلاہِ لالہ رنگ

جو سراپا ناز تھے، ہیں آج مجبورِ نیاز

لے رہا ہے مے فروشانِ فرنگستاں سے پارس

وہ مۂ سرکش حرارت جس کی ہے مینا گداز

حکمتِ مغرب سے ملت کی یہ کیفیت ہوئی

ٹکڑے ٹکڑے جس طرح سونے کو کر دیتا ہے گاز

ہوگیا مانندِ آب ارزاں مسلماں کا لہو

مضطرب ہے تو کہ تیرا دل نہیں دانائے راز

گفت رومی ''ہر بناے کہنہ کآباداں کنند''

می ندانی ''اول آں بنیاد را ویراں کنند''

''ملک ہاتھوں سے گیا ملت کی آنکھیں کھل گئیں''

حق ترا چشمے عطا کردست غافل در نگر

مومیائی کی گدائی سے تو بہتر ہے شکست

مور بے پر! حاجتے پیشِ سلیمانے مبر

ربط و ضبطِ ملتِ بیضا ہے مشرق کی نجات

ایشیا والے ہیں اس نکتے سے اب تک بے خبر

پھر سیاست چھوڑ کر داخل حصارِ دیں میں ہو

ملک و دولت ہے فقط حفظِ حرم کا اک ثمر

ایک ہوں مسلم حرم کی پاسبانی کے لیے

نیل کے ساحل سے لے کر تا بخاکِ کاشغر

جو کرے گا امتیازِ رنگ و خوں ، مٹ جائے گا

ترک خرگاہی ہو یا اعرابی والا گہر

نسل اگر مسلم کی مذہب پر مقدم ہوگئی

اڑ گیا دنیا سے تو مانندِ خاکِ رہ گزر

تا خلافت کی بنا دنیا میں ہو پھر استوار

لا کہیں سے ڈھونڈ کر اسلاف کا قلب و جگر

اے کہ نشناسی خفی را از جلی ہشیار باش

اے گرفتارِ ابوبکر و علی ہشیار باش

عشق کو فریاد لازم تھی سو وہ بھی ہو چکی

اب ذرا دل تھام کر فریاد کی تاثیر دیکھ

تو نے دیکھا سطوتِ رفتارِ دریا کا عروج

موج مضطر کس طرح بنتی ہے اب زنجیر دیکھ

عام حریت کا جو دیکھا تھا خواب اسلام نے

اے مسلماں آج تو اس خواب کی تعبیر دیکھ

اپنی خاکستر سمندر کو ہے سامانِ وجود

مر کے پھر ہوتا ہے پیدا یہ جہانِ پیر، دیکھ

کھول کر آنکھیں مرے آئینۂ گفتار میں

آنے والے دور کی دھندلی سی اک تصویر دیکھ

آزمودہ فتنہ ہے اک اور بھی گردوں کے پاس

سامنے تقدیر کے رسوائیِ تدبیر دیکھ

مسلم استی سینہ را از آرزو آباد دار

ہر زماں پیش نظر، 'لایخلف المیعاد' دار

اقبال - اے تہی ازذوق و شوق وسوز و درد

اے تہی ازذوق و شوق وسوز و درد

می  شناسی  عصر  ما با ما چہ کرد

عصر ما ما را ز ما بیگانہ کرد

از جمال مصطفی بیگانہ کرد

در دل مسلم مقام مصطفی است

آبروئے   ما  ز  نام مصطفی است

اقبال - دلت می لرزد از اندیشہ مرگ

دلت می لرزد از اندیشہ مرگ

زبیمش  زرد  مانند  زریری

بخود باز آ، خودی را پختہ تر گیر

اگر گیری، پس از مردن نہ میری

دل بے باک را ضرغام رنگ است

دل ترسندہ  را   آہو  پلنگ است

اگر بیمی نداری، بحر صحر است

اگر ترسی بہر موجش نہنگ است

بہ  گوشم  آمد   از   خاک  مزارے

کہ در زیر زمیں ہم می تواں زیست

نفس دارد و لیکن جاں نہ دارد

کسے کو بر مراد دیگراں زیست

گر بہ اللہ الصمد دل بستہ ای

از حد اسباب بیروں جستہ ای

بندہ حق، بندہ اسباب نیست

زندگانی گردش دولاب نیست

اقبال کے نفس سے ہے لالے کی آگ تیز

ایسے غزل سرا کو چمن  سے  نکال  دو

نامعلوم ـ پاپوش میں لگائی کرن آفتاب کی

پاپوش میں لگائی کرن آفتاب کی

جو بات کی خدا کی قسم لاجواب کی

تمہاری زلف میں پہنچی تو حسن کہلائی

وہ تیرگی جو میرے نامہٴ سیاہ میں ہے

اقبال - کتنی مشکل زندگی ہے کس قدر آساں ہے موت

کتنی مشکل زندگی ہے کس قدر آساں ہے موت

گلشن ہستی  میں مانند  نسیم  ارزاں ہے موت

زلزلے ہیں ، بجلیاں ہیں ، قحط ہیں ، آلام  ہیں

کیسی    کیسی    دختران    مادر    ایام    ہیں

کلبہ  افلاس  میں ،  دولت  کے  کاشانے  میں  موت

دشت و در میں شہر میں گلشن میں ویرانےمیں موت

موت   ہے  ہنگامہ آرا  قلزم  خاموش  میں

ڈوب جاتے ہیں سفینے موت کی آغوش میں

نے مجال شکوہ ہے، نے طاقت گفتار ہے

زندگانی کیا ہے، اک طوق گلو افشار ہے

قافلے میں غیر  فریاد  درا کچھ بھی نہیں

اک متاع دیدہ تر  کے سوا کچھ بھی نہیں

فیض - ہم پرورش لوح و قلم کرتے رہیں گے

ہم پرورش لوح  و  قلم کرتے رہیں گے 

جو دل پہ گذری ھے رقم کرتے رہیں گے 

اسباب غم عشق بہم کرتے رہیں گے 

ویرانی دوراں پہ کرم کرتے رہیں گے 

ہاں  تلخی  ایام   ابھی  اور  بڑھے  گی 

ہاں اہل ستم مشق ستم کرتے رہیں گے 

منظور یہ تلخی یہ ستم ہم کو گوارہ 

دم ہے تو مداواء علم کرتے رہیں گے 

باقی ہےلہو دل میں تو ہر اشک سے پیدا 

رنگ لب و  رخسار  صنم  کرتے  رہیں گے 

اک طرز تغافل ہے سو وہ ان کو مبارک 

اک عرض تمنا ہے سو ہم کرتے رہیں گے

حالی - اے خاصۂ خاصانِ رسل وقت دعا ہے

اے خاصۂ خاصانِ رسل وقت دعا ہے

امت پہ تیری آکے عجب وقت پڑا ہے

جو دین بڑی شان سے نکلا تھا وطن سے

پر دیس  میں  وہ  آج  غریب  الغرباء  ہے

فریاد  ہے  اے کشتی  امت  کے  نگہباں

بیڑا  یہ  تباہی  کے  قریب  آن  لگا  ہے

اے  چشمہ  زمت  بابی  انت  و  امی

دنیا  پہ  تیرا  لطف  سدا عام رہا  ہے

خسرو - من تو شدم تو من شدی

من تو شدم  تو  من  شدی

من تن شدم  تو جان شدی

تا کس نہ  گوید  بعد  ازیں

من   دیگرم    تو   دیگری

نامعلوم - نسیما جانب بطحا گذر کن

نسیما جانب بطحا گذر کن

ز احوالم  محمد را خبر کن

توئی  سلطان  عالم  یا  محمد

ز روئے لطف سوئے من نظر کن

ز مہجوری برآمد جان عالم

ترحم  یا  نبی  اللہ   ترجم

فراز - برباد کر کے بصرہ و بغداد کا جمال

برباد کر کے بصرہ و بغداد کا جمال

اب چشم بد ہے جانب خیبر لگی ہوئی

غیروں سے کیا گلہ ہو کہ اپنوں کے ہاتھ سے

ہے دوسروں کی آگ مرے گھر لگی ہوئی

متفرقات

یہ تیرا پاکستان ہے نہ میرا پاکستان ہے

یہ اس کا پاکستان ہے جو صدر پاکستان ہے

دوستو جگ ہنسائی نہ مانگو

موت مانگو رہائی نہ مانگو

عمر بھر سر جھکائے پھرو گے

سب سے نظریں بچائے پھرو گے

نہ جا امریکہ نال کڑے

ایہہ گل نہ دیویں ٹال کڑے

وہی حالات ہیں فقیروں کے

دن پھرے ہیں فقط وزیروں کے

اپنا حلقہ ہے حلقۂ زنجیر

اور حلقے ہیں سب امیروں کے

جانے والے تیری یاد بہت آتی ہے

گھورتی ہے تنہائی بے بسی ستاتی ہے

محبت گولیوں سے بو رہے ہو

محبت گولیوں سے بو رہے ہو

وطن کا چہرہ خون سے دھو رہے ہو

گماں تم کو کہ رستہ کٹ رہا ہے

یقیں مجھ کو کہ منزل کھو رہے ہو

جالب - دیپ جس کا محلات ہی میں جلے

دیپ  جس کا  محلات  ہی  میں  جلے

چند لوگوں کی خوشیوں کو  لے کر چلے

وہ  جو  سائے میں ہر مصلحت  کے  پلے

ایسے دستور کو، صبح بےنور کو

میں نہیں مانتا، میں نہیں جانتا

میں بھی خائف  نہیں  تختۂ  دار  سے

میں بھی منصور ہوں کہہ دو اغیار سے

کیوں ڈراتے  ہو  زنداں کی  دیوار  سے

ظلم کی بات کو، جہل کی رات کو

میں نہیں مانتا، میں نہیں جانتا

پھول شاخوں پہ کھلنےلگے، تم کہو

جام  رندوں  کو  ملنے لگے، تم کہو

چاک سینوں کے سلنے لگے، تم کہو

اِس کھلےجھوٹ کو، ذہن کی لوٹ کو

میں  نہیں  مانتا،  میں  نہیں  جانتا

تم نے لوٹا ہے صدیوں ہمارا سکوں

اب نہ ہم پر چلے گا تمھارا فسوں

چارہ گر درد مندوں کے بنتے ہو کیوں

تم نہیں چارہ گر ،  کوئی  مانے،  مگر

میں  نہیں  مانتا ،  میں  نہیں  جانتا

جن سے خدا کا خوف بھی تھرّا کہ رہ گیا

جن سے خدا  کا خوف بھی تھرّا  کہ رہ گیا

اُن ظالموں سے خوفِ خدا مانگتے ہیں لوگ

اب اِس  فریب  عام  کی، توجیہہ  کیا  کریں

صرصر کا نام لے  کے، صبا  مانگتے ہیں لوگ

جالب - ظلمت کو ضیاء صرصر کو صبا بندے کو خدا کیا لکھنا

ظلمت کو ضیاء صرصر کو صبا بندے کو خدا کیا لکھنا 

پتھر کو گہر،دیوار کو در،کرگس کو ہما کیا لکھنا 

اک حشر بپا ہے گھر گھر میں دم گھٹتا ہے گنبد بے در میں 

اک شخص کے ہاتھوں مدت سے رسوا ہے وطن دنیا بھر میں 

اے دیدہ ورو اس ذلت کوقسمت کا لکھا کیا لکھنا 

ظلمت کو ضیاء صرصر کو صبا بندے کو خدا کیا لکھنا 

یہ اہل حشم ،یہ دارا و جم، سب نقش برآب ہیں اے ہمدم 

مٹ جائیں گے سب پروردۂ شب اے اہل وفا رہ جائیں گے ہم 

ہو جاں کا زیاں پر قاتل کو معصوم ادا کیا لکھنا 

ظلمت کو ضیاء صرصر کو صبا بندے کو خدا کیا لکھنا 

لوگوں پہ ہی ہم نے جاں واری، کی ہم نے انہی کی غم خواری 

ہوتے ہیں تو ہوںیہ ہاتھ قلم شاعر نہ بنیں گے درباری 

ابلیس نما انسانوں کی اے دوست ثنا کیا لکھنا 

ظلمت کو ضیاء صرصر کو صبا بندے کو خدا کیا لکھنا 

حق بات پہ کوڑے اور زنداں، باطل کے شکنجے میں ہے یہ جاں 

انساں ہیں کہ سہمے بیٹھے ہیں خون خوار درندے ہیں رقصاں 

اس ظلم و ستم کو لطف و کرم اس دکھ کو دوا کیا لکھنا 

ظلمت کو ضیاء صرصر کو صبا بندے کو خدا کیا لکھنا 

ہر شام یہاں شام ویراںآسیب زدہ رستے گلیاں 

جس شہر کی دھن میں نکلے تھے ، وہ شہر دل برباد کہاں 

صحرا کو چمن بن کو گلشن بادل کو ردا کیا لکھنا 

ظلمت کو ضیاء صرصر کو صبا بندے کو خدا کیا لکھنا 

اے میرے وطن کے فنکارو، ظلمت پہ نہ اپنا فن وارو 

یہ محل سراؤں کے باسی قاتل ہیں سبھی اپنے یارو 

ورثے میں ہمیں یہ غم ہے ملااس غم کو نیا کیا لکھنا 

ظلمت کو ضیاء صرصر کو صبا بندے کو خدا کیا لکھنا

مومن - آنکھوں سے حیا ٹپکے ہے انداز تو دیکھو

آنکھوں سے حیا ٹپکے ہے انداز تو دیکھو

ہے بو الہوسوں پر بھی ستم ناز تو دیکھو

جس بُت کے لئے میں ہوسِ حور سے گُذراج

اس عشقِ خوش انجام کا آغاز تو دیکھو

چشمک مری وحشت پہ ہےکیا حضرتِ ناصح

طرزِ نگہِ چشمِ فُسوں ساز تو دیکھو

اربابِ ہوس ہار کے بھی جان پہ کھیلے

کم طالعیِ عاشقِ جانباز تو دیکھو

مجلس میں مرے ذکر کے آتے ہی اُٹھے وہ

بد نامیءِ عشاق کا اعزاز تو دیکھو

محفل میں تُم اغیار کو دُزدیدہ نظر سے

منظور ہے پنہاں نہ رہے راز تو دیکھو

اس غیرتِ ناہید کی ہر تان ہے دیپک

شعلہ سا لپک جائے ہے آواز تو دیکھو

دیں پاکیئِ دامن کی گواہی مرے آنسو

اس یوسفِ بیدرد کا اعجاز تو دیکھو

جنت میں بھی مومن نہ ملا ہائے بُتوں سے

جورِ اجلِ تفرقہ پرداز تو دیکھو

اقبال - تو غنی از ہر دو عالم من فقیر

تو غنی از  ہر دو عالم من فقیر

روزِ محشر عذر ہائے  من  پذیر

گر تو می  بینی  حسابم  ناگزیر

از  نگاہِ  مصطفی  پنہاں  بگیر

جامی - جملہ عالم بندگان و خواجہ اوست

در دلِ مسلم مقامِ مصطفی ست

آبروئے ما زنامِ مصطفی ست

بوریا ممنون خوابِ راحتش

تاج کسریٰ زیرِ پائے اُمّتش

درشبستانِ حِرا خلوت گزید

قوم و آئین حکومت آفرید

در نگاہ او یکے بالا و پست 

با غلامِ خویش بریک خواں نشست

روز محشر اعتبار ماست اُو

در جہاں ہم پردہ دار ماست اُو

ماکہ از قید وطن بیگانہ ایم

چوں نگاہِ نور چشمیم و یکیم

من چہ گو یم از تولاّئش کہ چیست

خشک چو بے در فراقِ اوگریست

خاکِ یثرب ازدو عالم خوشتر است

اے خنک شہرے کہ آں جا دلبر است