کہیں نہیں ہےکہیں بھی نہیں لہو کا سراغ

نہ دست و ناخن قاتل نہ آستیں پہ نشاں

نہ سرخیء لب خنجر نہ رنگ نوک نساں

نہ خاک پر کوئی دھبہ نہ فرش پر کوئی داغ

کہیں نہیں ہےکہیں بھی نہیں لہو کا سراغ

نہ حرف خدمت شاہاں کہ خون بہا دیتے

نہ دین کی نذر کہ بیعانہ جزا دیتے

نہ رزم گاہ میں برسا کہ معتبر ہوتا

کسی علم پہ رقم ہوکے مشتہر ہوتا

پکارتا رہا ہے آسرا یتیم لہو

کسی کو بہر سماعت نہ وقت تھا نہ دماغ

نہ مدعی نہ شہادت حساب پاک ہوا

یہ خون خاک نشیناں تھا رزق خاک ہوا

فیض

tovarisch