متفرقات - اب درندوں سے نہ حیوانوں سے ڈر لگتا ہے

اب درندوں سے نہ حیوانوں سے ڈر لگتا ہے

کیا زمانہ ہے کہ انسانوں سے ڈر لگتا ہے

عزت نفس کسی شخص کی محفوظ نہیں

اب تو اپنے ہی نگہبانوں سے ڈر لگتا ہے

ڈنکے کی چوٹ پہ ظالم کو برا کہیں گے

مجھے سولی سے نہ زندانوں سے ڈر لگتا ہے

خون ریزی کا یہ عالم ہے،خدا خیر کرے

اب مسلمانوں کو مسلمانوں سے ڈر لگتا ہے

بم دھماکوں سے سبھی خوفزدہ ایسے ہیں

گھر میں رکھے ہوئے گلدانوں سے ڈر لگتا ہے

احسان دانش أ نظر فریب قضا کھا گئي تو کيا ہوگا

نظر فریب قضا کھا گئي تو کيا ہوگا

حیات مو ت سے ٹکرا گئی تو کیا ہوگا

بزعم ہوش تجلی کی جستجو بے سود

جنوں کي زد پہ خرد آگئی تو کیا ہوگا

نئی سحر کے بہت لوگ منتظر ہيں مگر 

نئی سحر بھی جو کجلا گئی تو کیا ہوگا

نہ رہنمائوں کي مجلس ميں لے چلو مجھ کو

ميں بے ادب ہوں ہنسی آگئی تو کیا ہوگا

غم حیات سے بیشک ہے خود کشی آساں

مگر جو موت بھی شرما گئی تو کیا ہوگا