اقبال - تیز ترک گامزن

آقا   و   زر دارِ  ما

سرخوش و سرکارِ ما

بے بس  و  لاچار ما

تیز   ترک  گامزن

منزل ما دور نیست

اقبال - اس قدر قوموں کی بربادی سے ہے خوگر جہاں

اس قدر قوموں کی بربادی سے ہے خوگر جہاں 

دیکھتا  بے اعتنائی   سے    ہے    یہ   منظر   جہاں

ایک  صورت  پر  نہیں  رہتا  کسی  شے  کو  قرار

ذوق   جدت  سے   ہے   ترکیب  مزاج  روزگار

ہے   نگین    دہر    کی    زینت    ہمیشہ    نام    نو

مادر       گیتی       رہی       آبستن       اقوام        نو

ہے  ہزاروں    قافلوں    سے   آشنا    یہ    رہ  گزر

چشم    کوہ    نور    نے   دیکھے    ہیں    کتنے    تاجور

مصر و بابل مٹ گئے باقی   نشاں   تک   بھی   نہیں

دفتر  ہستی  میں  ان   کی   داستاں   تک  بھی  نہیں

آ    دبایا   مہر   ایراں   کو   اجل    کی    شام    نے

عظمت     یونان    و    روما    لوٹ     لی   ایام   نے

آہ! مسلم بھی   زمانے   سے   یونہی   رخصت   ہوا

آسماں    سے     ابر    آذاری    اٹھا ،    برسا ،     گیا

اقبال - امید کیا ہے سیاست کے پیشواؤں سے

امید کیا  ہے  سیاست  کے  پیشواؤں  سے

یہ خاک باز ہیں رکھتے ہیں خاک سے پیوند

ہمیشہ  مور   و  مگس  پہ  نگاہ   ہے   ان   کی

جہاں میں  ہے  صفت  عنکبوت  ان  کی  کمند

خوشا وہ قافلہ جس کے امیر کی ہے متاع

تخیل    ملکوتی     و     جذبہ     ہائے    بلند

فیض - لب بند ہیں ساقی میری آنکہوں کو پلا

لب بند ہیں ساقی میری آنکہوں کو پلا

وہ جام جو مینا کش صہبا نہیں ہوتا

اجل کے ہاتہ کوئی آ رہا ہے پروانہ

نہ جانے آج کی فہرست میں رقم کیا ہے

ساحر لدہیانوی - ثناخوان تقدیس مشرق کہاں ہیں؟

یہ   بھوکی  نگاہیں  حسینوں   کی  جانب

یہ بڑھتے ہوئے ہاتھ سینوں کی جانب

لپکتے  ہوئے  پاؤں  زینوں  کی  جانب

ثناخوان تقدیس مشرق کہاں ہیں؟

یہاں  پیر  بھی آ چکے  ہیں‌  جواں بھی

تنو مند   بیٹے   بھی ،  ابا    میاں   بھی

یہ بیوی بھی ہے اور بہن بھی ماں بھی

ثناخوان تقدیس مشرق کہاں ہیں؟

مدد  چاہتی  ہے  یہ  حوا  کی  بیٹی

یشودھا کی ہم جنس رادھا کی بیٹی

پیمبر  کی  امت ،  زلیخا   کی  بیٹی

ثنا خوان تقدیس مشرق کہاں ہیں؟

ذرا ملک  کے  رہبروں  کو   بلاؤ

یہ گلیاں، یہ کوچے یہ منظردکھاؤ

ثنا‌خوان تقدیس مشرق کہاں ہیں؟

ثنا‌خوان تقدیس مشرق کہاں ہیں؟

اقبال - باد صبا اگر بہ جنیوا گذر کنی

باد صبا  اگر بہ جنیوا  گذر کنی

حرف زما مجلس اقوام باز گوئے

دہقان وکشت وجوئے خیاباں فروختند

قومے  فروختند  و  چہ ارزاں فروختند

اقبال - فریاد یکی از زورق نشینان قلزم خونین

نے عدم ما را پذیرد نے وجود

وائے از بے مہری بود و نبود

تا گذشتیم از جہان شرق و غرب

بر در دوزخ شدیم از درد و کرب

یک شرر بر صادق و جعفر نزد

بر  سر   ما   مشت  خاکستر   نزد

گفت دوزخ را خس و خاشاک بہ

شعلۂ من  زین  دو  کافر  پاک بہ

آنسوئے نہ آسمان رفتیم ما

پیش مرگ ناگہان رفتیم ما

گفت ’’جان سری ز اسرار من است

حفظ جان و ہدم تن کار من است

جان  زشتی  گر چہ نرزد  باد  و  جو

ایکہ از من ھدم جان خواہی برو

اینچنین کارے نمی آید ز مرگ

جان غدارے نیاساید ز مرگ‘‘

اے ہوائے تند اے دریای خون

اے   زمین  اے  آسمان   نیلگون

اے نجوم اے  ماہتاب  اے  آفتاب

اے قلم اے لوح محفوظ اے کتاب

اے   بتان   ابیض   اے   لردان   غرب

اے جہانے ، در بغل بے حرب و ضرب

این جہان بے ابتدا بے انتہا ست

بندۂ   غدار   را   مولا   کجا   ست

ناگہان آمد صداے   ہولناک

سینۂ صحرا   و   دریا  چاک چاک

ربط اقلیم بدن از ہم گسیخت

دمبدم کہ پارہ بر کہ پارہ ریخت

کوہ ہا مثل سحاب اندر مرور

انہدام عالےی بے بانگ صور

برق و تندر از تب و تاب درون

آشیان   جستند   اندر   بحر   خون

موجھا پر شور و از خود رفتہ تر

غرق خون گردید آن کوہ و کمر

آنچہ  بر  پیدا   و   ناپیدا    گذشت

خیل انجم دید و  بے  پروا  گذشت

عارف افتخار - یہ وقت کس کی رعونت پہ خاک ڈال گیا

یہ وقت کس کی رعونت پہ خاک ڈال گیا

یہ  کون  بول  رہا  ہے  خدا  کے  لہجے  میں

اقبال - عجم ہنوز نداند رموز ديں، ورنہ

عجم   ہنوز    نداند    رموز    ديں  ،   ورنہ 

ز ديوبندحسين احمد! ايں چہ بوالعجبي است

سرود  بر سر منبر  کہ  ملت  از  وطن است 

چہ   بے   خبر   ز   مقام   محمد   عربی   است

بمصطفي برساں خويش را کہ ديں ہمہ اوست 

اگر   بہ   او   نرسيدی ،   تمام   بولہبی   است 

ماہرالقادری - قرآن کی فریاد

طاقوں میں سجایا جاتا ہوں،آنکھوں سے لگایا جاتا ہوں

تعویذ  بنایا  جاتا  ہوں،  دھو  دھو  کے  پلایا  جاتا ہوں

جز دان حریر و ریشم کے اور  پھول  ستارے  چاندی  کے

پھر عطر کی بارش ہوتی ہے، خوشبو میں بسایا جاتا ہوں

جس طرح سے طوطا مینا کو کچھ بول سکھائے جاتے ہیں

اس طرح  پڑھایا  جاتا  ہوں ۔ اس طرح  سکھایا  جاتا  ہوں

جب قول و قسم لینے کیلئے تکرار کی نوبت  آتی  ہے

پھر میری ضرورت پڑتی ہے، ہاتھوں پہ اٹھایا جاتا ہوں

دل سوز سے خالی رہتے ہیں، آنکھیں ہیں کہ نم ہوتی ہی نہیں 

کہنے کو میں اک اک جلسے میں پڑھ پڑھ کے سنایا جاتا ہوں

نیکی پہ بدی کا غلبہ ہے، سچائی سے بڑھ کر دھوکا ہے 

اک  بار  ہنسایا  جاتا  ہوں ،  سو   بار   رلایا  جاتا  ہوں

یہ مجھ سے عقیدت کے دعوے، قانون پہ راضی غیروں کے

یوں بھی مجھے رسوا کرتے ہیں، ایسے بھی ستایا جاتا ہوں

کس بزم میں مجھ کو بار نہیں،کس عرس میں میری دھوم نہیں

پھر بھی میں اکیلا  رہتا  ہوں،  مجھ  سا  بھی کوئی مظلوم نہیں

اقبال - آسیا یک پیکر آب و گل است

آسیا  یک  پیکر  آب و گل است

ملت افغان در آن پیکر دل است

از کشاد او ، کشاد آسیا

وز فساد او ، فساد آسیا

تا دل آزاد است ، آزاد است تن

ورنہ  کاہی ،  در  رہ   باد  است تن

امرتا پریتم - اج آکھاں وارث شاہ نوں کتوں قبراں وچون بول

اج آکھاں وارث شاہ نوں کتوں قبراں وچون بول
تے اج کتابِ عشق دا کوئی اگلا ورقہ پھول

اک روئی سی دھی پنجاب دی توں لکھ لکھ مارے وین
اج لکھاں دھیآں روندیاں تینوں وارث شاہ نوں کہن

اٹھ دردمنداں دیا در دیا تک اپنا دیس پنجاب
اج بیلے لاشاں وچھیاں تے لہو دی بھری چناب

کسے نے پنجاں پانیاں وچ اج دتی زہر رلا
تے اوہناں پانیاں نوں دتا دھرت نوں لا

جتھے وجدی پھوک پیار دی او ونجلی گئی گواچ
رانجھے دے سب ویر اج بھل گئے اوس دی جاچ

دھرتی تے لہو وسیا تے قبراں پیّئاں چون
پریت دیاں شہزادیاں اج وچ مزاراں رون

اج کتھوں لیآئیے لب کے وارث شاہ اک ہور
اج تے سبے کیدو بن گئے حسن عشق دے چور

اقبال - کڑکا سکندر بجلی کی مانند

کڑکا  سکندر  بجلی  کی  مانند 

تجھ کو خبر ہے اے مرگِ ناگاہ

نادر  نے  لوٹی  دلِّیِ  کی  دولت 

اک ضربِ شمشیر، افسانہ کوتاہ 

افغان   باقی   ،  کہسا ر   باقی 

الحکمُ   لِلّٰہ    ،    الملکُ   لِلّٰہ

عطار - ہفت شہر عشق را عطار گشت

ہفت شہر عشق را عطار گشت

ما ہنوز اندر خم یک کوچہ ایم

افتخار عارف - جاہ و جلال ، دَام و دِرَم ، اَور کتنی دیر؟

جاہ و جلال ، دَام و دِرَم ، اَور کتنی دیر؟

ریگ رواں پہ نقش قَدَم ، اَور کتنی دیر؟

اَب اور کتنی دیر یہ وَحشت، یہ ڈر، یہ خوف؟

گرد و غبارِ  عہدِ ستم ، اور کتنی دیر؟

حلقہ بگوشوں، عرض گزاروں کے درمیاں 

یہ تمکنت یہ زعمِ کرم، اور کتنی دیر؟ 

پل بھر میں ہو رہے گا حساب نبود و بود

پیچ و خمِ وجود و عدم ، اور کتنی دیر؟

دَامن کےسارےچاک، گریباں کےسارےچاک

ہو بھی گئے بہم، تو بہم، اَور کتنی دیر؟

شام آ گئی ہے، ڈوبتا سورج بتائے گا

تم اور کتنی دیر ہو، ہم اور کتنی دیر؟

اقبال - لبريز ہے شراب حقيقت سے جام ِ ہند

لبريز  ہے  شراب  حقيقت  سے  جام ِ ہند

سب فلسفي ہيں خطہء مغرب کے رام ِ ہند

يہ ہنديوں  کے  فکر  فلک  رس کا   ہے  اثر

رفعت ميں آسماں سے بھي اونچا ہے بام ِ ہند

اس ديس ميں ہوئے ہيں ہزاروں ملک سرشت

مشہور جن کے دم سے ہے دنيا ميں نام ِ ہند

ہے  رام  کے  وجود  پہ  ہندوستاں  کو  ناز

اہل نظر سمجھتے  ہيں اس  کو  امام ِ  ہند

اعجاز  اس  چراغ   ہدايت  کا   ہے   يہي

روشن تر از سحر ہے زمانے ميں شام ِ ہند

تلوار کا دھني تھا ، شجاعت ميں فرد تھا

پاکيزگي ميں ، جوش محبت ميں فرد تھا

غالب - مدت ہوئی ہے یار کو مہماں کئے ہوئے

مدت ہوئی ہے یار کو مہماں کئے ہوئے

جوشِ قدح سے بزم چراغاں کئے ہوئے

کرتا ہوں جمع پھر جگرِ لخت لخت کو

عرصہ ہوا ہے دعوتِ مژگاں کئے ہوئے

پھر وضعِ احتیاط سے رکنے لگا ہے دم

برسوں ہوئے ہیں چاک گریباں کئے ہوئے

پھر گرمِ نالہ ہائے شرر بار ہے نفس

مدت ہوئی ہے سیرِ چراغاں کئے ہوئے

پھر پرسشِ جراحتِ دل کو چلا ہے عشق

سامانِ صد ہزار نمکداں کئے ہوئے

پھر بھر رہا ہوں خامہٴ مژگاں بہ خونِ دل

سازِ چمن طرازیٴ داماں کئے ہوئے

باہم دگر ہوئے ہیں دل و دیدہ پھر رقیب

نظارہ و خیال کا ساماں کئے ہوئے

دل پھر طواف، کوئے ملامت کو جائے ہے

پندار کا صنم کدہ ویراں کئے ہوئے

پھر شوق کر رہا ہے خریدار کی طلب

عرضِ متاعِ عقل و دل و جاں کئے ہوئے

دوڑے ہے پھر ہر ایک گل و لالہ پر خیال

صد گلستاں نگاہ کا ساماں کئے ہوئے

پھر چاہتا ہوں نامہٴ دلدار کھولنا

جاں نذرِ دلفریبیٴ عنواں کئے ہوئے

مانگے ہے پھر کسی کو لبِ بام پر ہوس

زلفِ سیاہ رخ پہ پریشاں کئے ہوئے

چاہے ہے پھر کسی کو مقابل میں آرزو

سرمے سے تیز دشنہٴ مژگاں کئے ہوئے

اک نوبہارِ ناز کو تاکے ہے پھر نگاہ

چہرہ فروغ مے سے گلستاں کئے ہوئے

پھر جی میں ہےکہ در پہ کسی کےپڑے رہیں

سر زیر بارِ منتِ درباں کئے ہوئے

جی ڈھونڈتا ہے پھر وہی فرصت کے رات دن

بیٹھے رہیں تصورِ جاناں کئے ہوئے

غالب ہمیں نہ چھیڑ، کہ پھر جوشِ اشک سے

بیٹھے ہیں ہم تہیّہٴ طوفاں کئے ہوئے

عبدالرب نشتر - نیرنگی سیاست دوراں تو دیکھئے

نیرنگی    سیاست    دوراں    تو     دیکھئے

منزل انہیں ملی جو شریک سفر نہ تھے

بس اتنی سی خطا پر رہبری چھینی  گئی  ہم  سے

کہ ہم سے قافلے منزل پہ لٹوائے نہیں جاتے

اقبال - محوِ حیرت ہوں کہ دنیا کیا سے کیا ہوجائے گی

آسماں ہوگا سحر  کے  نور  سے  آئینہ  پوش

اور  ظلمت رات کی سیماب پا  ہو جائے  گی

اس  قدر   ہو  گی   ترنّم   آفریں   باد   بہار

نکہتِ خوابیدہ  غنچے  کی  نوا  ہو جائے گی

آ ملیںگے سینہ چاکانِ چمن سے سینہ چاک

بزمِ گل کی ہم نفس  بادِ  صبا  ہو  جائے  گی

شبنم افشانی مری پیدا کرے گی سوز  و ساز

اس چمن کی ھر کلی  درد  آشنا ہو جائے گی

دیکھ  لو  گے  سطوتِ  رفتارِ   دریا   کا   مآل

موجِ مضطر  ہی  اسے  زنجیرِ  پا  ہو جائے گی

پھر  دلوں  کو   یاد   آ  جائے  گا  پیغامِ  سجود

پھر جبیں خاکِ  حرم  سے  آشنا  ہو  جائے گی

نالۂ  صیّاد  سے   ہوں  گے   نوا   ساماں  طیور

خونِ گلچیں سے کلی رنگیں قبا  ہو  جائے  گی

آنکھ جو کچھ دیکھتی ہے، لب پہ آ سکتا  نہیں

محوِ حیرت ہوں کہ دنیا کیا سے کیا ہوجائے گی

شب  گریزاں  ہو گی  آخر  جلوۂ  خورشید    سے

یہ   چمن   معمور   ہو  گا   نغمہ   توحید   سے

اقبال - میکدے میں کل ایک رند زیرک نے کہا

میکدے  میں  کل  ایک  رند   زیرک   نے  کہا

ہے  ہمارے  شہر  کا   والی  گدائے   بے  حیا

تاج  پہنایا  ہے کس کی   بے کلاہی  نے  اسے

کس کی عریانی  نے بخشی  ہے اسے رنگیں قبا

اسکے آب لالہ گوں کی خونِ دہقاں  سے کشید

ترے میرے کھیت کی مٹی ہے ، اس کی کیمیا

اس کے نعمت خانے کی ہر چیز ہے مانگی ہوئی

دینے  والا  کون   ہے  مردِ  غریب  و   بے  نوا

مانگنے  والا  گدا  ہے ، صدقہ  مانگے  یا  خراج

کوئی مانے  یا  نہ مانے میر  و سلطاں سب  گدا