حبیب جالب - اور سب بھول گئے حرف صداقت لکھنا

اور سب بھول گئے حرف صداقت لکھنا
رہ گیا کام ہمارا ہی بغاوت لکھنا

لاکھ کہتے رہیں ظلمت کو نہ ظلمت لکھنا
ہم نے سیکھا ہی نہیں پیارے بااجازت لکھنا

نہ صلہ   کی نہ ستائش کی تمنا ہم کو
حق میں لوگوں کے ہماری تو ہے عادت لکھنا

ہم نے جو بھول کے بھی شاہ کا قصیدہ نہ لکھا
شائد آیا اسی خوبی کی بدولت لکھنا

اُس سے بڑھ کر میری تحسین بھلا کیا ہو گی
پڑھ کے ناخوش ہیں میرے صاحب ثروت لکھنا

دھر کے غم سے ہوا ربط تو ہم بھول گئے
سرو قامت کی جوانی کو قیامت لکھنا

کچھ بھی کہتے ہیں کہیں شاہ کے مصاحب جالب
رنگ رکھنا یہی اپنا ، اسی صورت لکھنا

متفرقات

ہر تیرگی میں تو نے اتاری ہے روشنی 

اب خود اتر کے آکہ سیاہ تر ہے کائنات 

۔۔۔۔۔۔۔۔۔۔۔۔۔۔

ہم کو اس شہر میں تعمیر کا سودا ہے جہاں 

لوگ معمار کو چن دیتے ہیں دیوار کے ساتھ 

۔۔۔۔۔۔۔۔۔۔۔۔۔۔

چلو  اچھا  ہوا  کام   آگئ   دیوانگی   اپنی 

وگرنہ ہم زمانے بھر کو سمجھانے کہاں جاتے 

۔۔۔۔۔۔۔۔۔۔۔۔۔۔

گھر پھونکنے میں صرف ہوائیں نہیں  شریک 

شامل کچھ اس میں گھرکے دیۓ کا ھنر بھی ہے 

۔۔۔۔۔۔۔۔۔۔۔۔۔۔

ہر آدمی میں ہوتے ہیں دس بیس آدمی 

لوگوں کو  دیکھنا  تو  کئ  بار  دیکھنا 

۔۔۔۔۔۔۔۔۔۔۔۔۔۔

ہر خار رہِ دشتِ وطن کا ہے سوالی 

کب دیکھیئے آتا ہے کوئی آبلہ پا اور 

پردہ داری می کند برطاق کسری عنکبوت

پردہ داری  می  کند  بر طاق  کسری  عنکبوت

بوم    نوبت     می     زند     بر     کلہ     افراسیاب

فیض - ہم ایسے ہی سادہ تھے کی یوں ہی پزیرائی

ہم ایسے ہی سادہ تھے کی یوں ہی پزیرائی

جس  بار خزاں  آئي سمجھے  کہ  بہار آئي

   

آشوب نظر  سے  کی  ہم  نے  چمن  آرائی

جو شے  بھی  نظر آئی  گل  رنگ نظر آئی

متفرقات -

عاقبت منزلِ ما وادیءِ خاموشان است

حالیہ  غلغلہ  در  گنبد ِ  افلاک   انداز

نامعلوم - امید کیا ہے سیاست کے پیشواؤں سے

امید  کیا  ہے  سیاست  کے  پیشواؤں  سے

یہ خاک باز ہیں رکھتے ہیں خاک سے پیوند

ہمیشہ  مور  و  مگس  پہ  نگاہ  ہے  ان  کی

جہاں میں ہے  صفت  عنکبوت  ان  کی  کمند

خوشا وہ  قافلہ جس  کے امیر  کی  ہے  متاع

تخیل     ملکوتی    و    جذبہ     ہائے    بلند

نامعلوم - کشتیاں ٹوٹ چکی ہیں ساری

کشتیاں ٹوٹ چکی ہیں ساری

اب لئے پھرتا ہے دریا  ہم  کو

نامعلوم - یہی اندازتجارت ہے تو کل کا تاجر

یہی   اندازِ   تجارت   ہے  تو   کل  کا   تاجر

برف کے باٹ لیے دھوپ میں بیٹھا ہوگ

ساغر صدیقی - ایک وعدہ ہے کسی کا جو وفا ہوتا نہیں

ایک وعدہ ہے کسی کا جو وفا ہوتا نہیں

ورنہ ان تاروں بھری راتوں میں کیا ہوتا نہیں

جی میں آتا ہے الٹ دیں انکےچہرے سے نقاب

حوصلہ  کرتے   ہیں  لیکن  حوصلہ  ہوتا  نہیں

شمع  جس  کی آبرو  پر جان  دے  دے جھوم کر

وہ   پتنگا  جل   تو  جاتا  ہے   فنا   ہوتا   نہیں

اب  تو  مدت  سے  رہ  و  رسمِ  نظارہ  بند  ہے

اب  تو  ان  کا  طُور  پر  بھی  سامنا  ہوتا  نہیں

ہر  شناور  کو  نہیں  ملتا   تلاطم    سے  خراج

ہر سفینے  کا  محافظ  ناخدا  ہوتا  نہیں

ہر بھکاری پا نہیں سکتا مقامِ خواجگی

ہر کس و ناکس کو تیرا غم عطا ہوتا نہیں

ہائے یہ بیگانگی اپنی نہیں مجھ کو خبر

ہائے یہ عالم کہ تُو دل سے جُدا ہوتا نہیں

بارہا دیکھا ہے ساغر رہگذارِ عشق میں

کارواں کے ساتھ اکثر رہنما ہوتا نہیں

متفرقات - خاموشی میں نہاں ، خوں گشتہ لاکھوں آرزوئیں ہیں

خاموشی میں نہاں ، خوں گشتہ لاکھوں آرزوئیں ہیں

چراغ  مردہ  ہوں میں ، بے  زباں گور غریباں  کا

ظہیرکاصمیری - بگولہ رقص میں رہتا ہے، صحرا میں نہیں رہتا

میں ہوں وحشت میں گم  تیری  دنیا میں نہیں رہتا

بگولہ رقص میں رہتا  ہے ، صحرا میں نہیں رہتا