اقبال - خدائي اہتمام خشک و تر ہے

خدائی اہتمام خشک و تر ہے 

خداوندا خدائی درد سر ہے

و ليکن بندگی ، استغفر اللہ 

يہ درد سر نہيں ، درد جگر ہے 

اقبال - خرد واقف نہيں ہے نيک و بد سے

خرد واقف نہيں ہے نيک و بد سے 

بڑھی  جاتی  ہے  ظالم  اپنی  حد  سے 

خدا   جانے  مجھے   کيا    ہو   گيا    ہے 

خرد  بيزار  دل  سے ،  دل  خرد  سے 

اقبال - خرد واقف نہيں ہے نيک و بد سے

خرد واقف نہيں ہے نيک و بد سے 

بڑھی جاتی  ہے  ظالم   اپنی  حد  سے 

خدا  جانے   مجھے   کيا   ہو  گيا   ہے 

خرد بيزار دل سے ، دل خرد سے! 

اقبال - يہ نکتہ ميں نے سيکھا بوالحسن سے

يہ نکتہ ميں نے سيکھا بوالحسن سے 

کہ جاں مرتی نہيں مرگ بدن سے 

چمک سورج ميں کيا باقی رہے گی 

اگر بيزار ہو اپنی کرن سے 

اقبال - وہي اصل مکان و لامکاں ہے

وہی  اصل  مکان  و   لامکاں   ہے 

مکاں کيا شے ہے ، انداز بياں  ہے 

خضر    کيونکر    بتائے ،    کيا    بتائے 

اگر   ماہی    کہے    دريا     کہاں    ہے 

اقبال - کرم تيرا کہ بے جوہر نہيں ميں

کرم تيرا کہ بے جوہر نہيں ميں 

غلام  طغرل  و  سنجر  نہيں  ميں 

جہاں بينی  مري فطرت  ہے ليکن 

کسی  جمشيد   کا  ساغر  نہيں   ميں 

اقبال - خرد سے راہرو روشن بصر ہے

خرد سے راہرو روشن بصر ہے 

خرد کيا ہے ، چراغ رہ گزر ہے 

درون خانہ ہنگامے ہيں کيا  کيا 

چراغ رہ گزر کو   کيا  خبر   ہے! 

اقبال - انداز بياں گرچہ بہت شوخ نہيں ہے

انداز  بياں گر  چہ  بہت   شوخ   نہيں  ہے 

شايد کہ اتر جائے ترے دل ميں مري بات 

يا   وسعت    افلاک     ميں     تکبير  مسلسل 

يا   خاک  کے آغوش  ميں تسبيح  و  مناجات 

وہ   مذہب  مردان  خود  آگاہ  و   خدا  مست 

يہ    مذہب    ملا    و     جمادات     و     نباتات 

اقبال - ہے ياد مجھے نکتہ سلمان خوش آہنگ

ہے  ياد مجھے نکتہ سلمان خوش آہنگ 

دنيا نہيں مردان جفاکش کے ليے تنگ 

چيتے  کا  جگر  چاہيے ،  شاہيں  کا  تجسس 

جي سکتے ہيں بے روشني دانش و فرہنگ 

کر  بلبل  و  طاؤس  کی   تقليد   سے  توبہ 

بلبل فقط آواز ہے ،  طاؤس   فقط   رنگ 

اقبال - يوں ہاتھ نہيں آتا وہ گوہر يک دانہ

يوں ہاتھ نہيں آتا وہ گوہر يک دانہ 

يک رنگی و آزادی اے ہمت مردانہ 

يا سنجر و طغرل کا آئين جہاں گيري 

يا   مرد   قلندر   کے   انداز   ملوکانہ 

يا حيرت فارابی يا تاب و تب رومي 

يا   فکر   حکيمانہ   يا    جذب   کليمانہ 

يا عقل کی  روباہی  يا  عشق  يد اللہی 

يا    حيلہ    افرنگی    يا    حملہ    ترکانہ 

يا شرع مسلمانی   يا   دير   کی   دربانی 

يا نعرہ مستانہ ، کعبہ ہو  کہ  بت   خانہ 

ميری ميں فقيری ميں ، شاہی ميں غلامی ميں 

کچھ  کام    نہيں    بنتا    بے    جرأت    رندانہ 

اقبال - ہر شے مسافر ، ہر چيز راہي

ہر  شے  مسافر ،  ہر  چيز  راہی 

کيا چاند تارے ، کيا مرغ و ماہی 

تو  مرد   ميداں  ،  تو  مير لشکر 

نوری   حضوری   تيرے   سپاہی 

کچھ قدر اپنی تو نے نہ جانی 

يہ بے سوادی ، يہ کم نگاہی 

دنيائے دوں کي کب تک غلامی 

يا     راہبی    کر      يا    پادشاہی 

پير حرم کو ديکھا ہے ميں نے 

کردار  بے سوز ،   گفتار   واہی 

اقبال - افلاک سے آتا ہے نالوں کا جواب آخر

افلاک  سے  آتا ہے  نالوں  کا  جواب  آخر 

کرتے ہيں خطاب آخر ، اٹھتے ہيں حجاب آخر 

احوال  محبت  ميں  کچھ  فرق  نہيں  ايسا 

سوز و تب و تاب اول ، سوزو تب و تاب آخر 

ميں تجھ کو بتاتا ہوں ،   تقدير  امم  کيا  ہے 

شمشير و سناں  اول ،  طاؤس  و  رباب  آخر 

ميخانہ   يورپ   کے  دستور  نرالے  ہيں 

لاتے ہيں سرور اول ، ديتے ہيں شراب آخر 

کيا   دبدبہ  نادر ،  کيا   شوکت   تيموري 

ہو جاتے ہيں سب دفتر غرق  مَے ناب  آخر 

خلوت کي گھڑي گزري ، جلوت کي گھڑي آئي 

چھٹنے کو ہے بجلي سے آغوش سحاب آخر 

تھا  ضبط  بہت  مشکل  اس  سيل  معاني  کا 

کہہ  ڈالے  قلندر  نے  اسرار  کتاب   آخر 

اقبال - خرد کے پاس خبر کے سوا کچھ اور نہيں

خرد کے پاس خبر کے سوا کچھ اور نہيں 

ترا علاج نظر کے سوا کچھ اور نہيں 

ہر اک مقام سے آگے مقام ہے تيرا 

حيات ذوق سفر کے سوا کچھ اور نہيں 

گراں بہا ہے تو حفظ خودي سے ہے ورنہ 

گہر ميں آب گہر کے سوا کچھ اور نہيں 

رگوں ميں گردش خوں ہے اگر تو کيا حاصل 

حيات سوز جگر کے سوا کچھ اور نہيں 

عروس لالہ مناسب نہيں ہے مجھ سے حجاب 

کہ ميں نسيم سحر کے سوا کچھ اور نہيں 

جسے کساد سمجھتے ہيں تاجران فرنگ 

وہ شے متاع ہنر کے سوا کچھ اور نہيں 

بڑا کريم ہے اقبال بے نوا ليکن 

عطائے شعلہ شرر کے سوا کچھ اور نہيں 

اقبال - ترے شيشے ميں مے باقي نہيں ہے

ترے شيشے ميں مے باقي نہيں ہے

بتا ،  کيا  تو  مرا  ساقي  نہيں  ہے

سمندر سے ملے پياسے کو شبنم

بخيلي  ہے  يہ  رزاقي  نہيں  ہے 

اقبال - پروانہ اور جگنو

پروانہ 

پروانے کي منزل سے بہت دور ہے جگنو 

کيوں آتش بے سوز پہ مغرور  ہے  جگنو 

جگنو 

اللہ کا سو شک ر کہ  پروانہ  نہيں  ميں 

دريوزہ   گر  آتش   بيگانہ   نہيں   ميں