کل ملا وقت تو زلفیں تیری سلجھا دوں گا
آج الجھا ہوں ذرا وقت کے سلجھانے میں
یوں تو سلجھ جاتی ہیں الجھی زلفیں
عمر کٹ جاتی ہے وقت کے سلجھانے میں
اقبال - کیا نہیں اور غزنوی کا رگہ حیات میں
کیا نہیں اور غزنوی کا رگہ حیات میں
بیٹھے ہیں کب سے منتظر اہل حرم کے سومنات
ذکر عرب کے سوز میں فکر عجم کے ساز میں
نے عربی مشاہدات نے عجمی تخیلات
قافلہ حجاز میں ایک حسین بھی نہیں
گرچہ ہے تاب دار ابھی گیسوئے دجلہ و فرات
فیض - اکتوبر انقلاب روس کی سالگرہ
(فیض کی ایک نظم جو انکے کسی بھی مجموعۂ کلام میں نہیں ہے)
مرغِ بسمل کی مانند شب تلملائی
افق تا افق
صبح کی پہلی کرن جگمگائی
تو تاریک آنکھوں سے
بوسیدہ پردے ہٹائے گئے
دل جلائے گئے
طبق در طبق
آسمانوں کے در
یوں کھلے ہفت افلاک آئینہ سا ہو گئے
شرق تا غرب سب قید خانوں کے در
آج وا ہو گئے
قصرِ جمہور کی طرحِ نَو کے لئے
آج نقشِ کہن سب مٹائے گئے
سینۂِ وقت سے سارے خونیں کفن
آج کے دن سلامت اٹھائے گئے
آج پائے غلاماں میں زنجیرِ پا
ایسے چھنکی کہ بانگِ درا بن گئی
دستِ مظلوم ہتھکڑی کی کڑی
سے چمکی کہ تیغِ فضا بن گئی
(ماسکو۔ 5 نومبر 1967)
سبسکرائب کریں در:
اشاعتیں
(
Atom
)