سیف - رونے والے تجھے کس بات پہ رونا آیا

ہم کو تو گردش ِ حالات پہ رونا آیا

رونے والے تجھے کس بات پہ رونا آیا

کیسےجیتےھیںیہ کس طرح جیےجاتےھیں

اہل دل کی بسر اوقات پہ رونا آیا

جی نہیں آپ سے کیا شکایت ہو گی

ہاں مجھے تلخی حالات پہ رونا آیا

حسن ِ مغرور کا یہ رنگ بھی دیکھا آخر

آخر اُن کو بھی کسی بات پہ رونا آیا

کیسےمرمر کےگزاری ہےتمہیںکیا معلوم

رات بھر تاروں بھری رات پہ رونا آیا

کتنےبیتاب تھےرم جھم میںپئیںگےلیکن

آئی برسات تو برسات پہ رونا آیا

حسن نے اپنی جفاوں پہ بہائے آنسو

عشق کو اپنی شکایات پہ رونا آیا

کتنےانجان ہیںکیا سادگی سےپوچھتےہیں

کہیے کیا میری کسی بات پہ رونا آیا

اول اول تو بس ایک آہ نکل جاتی تھی

آخر آخر تو ملاقات پہ رونا آیا

سیف یہ دن تو قیامت کی طرح گزرا ہے

جانے کیا بات تھی ہر بات پہ رونا آیا

سیف الدین سیف - میری داستان حسرت وہ سنا سنا کہ روئے

میری داستان حسرت وہ سنا سنا کہ روئے

مرے آزمانے والے مجھے آزما کے روئے

کوئی ایسا اہل دل ہو کہ فسا نہ محبت 

میں اسےسنا کے روؤں وہ مجھےسنا کے روئے 

مری آرزو کی دنیا دل ناتواں کی حسرت

جسےکھوکے شادماں تھے اُسے آج پا کے روئے

تیری بے وفائیوں پر ، تیری کج ادائیوں پر

کبھی سرچھپا کے روئے، کبھی منہ چھپا کے روئے

جو سنائی انجمن میں شب غم کی آپ بیتی

کئی رو کے مسکرائے ، کئی مسکرا کے روئے

میرے پاس سے گزر کر میرا حال تک نہ پوچھا

میں یہ کیسے مان جائوں کہ وہ دور جا کہ روئے

میں ہوں بے وطن مسافر ، میرا نام بے کسی ہے

میرا کوئی بھی نہیں ہے جو گلے لگا کے روئے