لبريز ہے شراب حقيقت سے جام ِ ہند
سب فلسفي ہيں خطہء مغرب کے رام ِ ہند
يہ ہنديوں کے فکر فلک رس کا ہے اثر
رفعت ميں آسماں سے بھي اونچا ہے بام ِ ہند
اس ديس ميں ہوئے ہيں ہزاروں ملک سرشت
مشہور جن کے دم سے ہے دنيا ميں نام ِ ہند
ہے رام کے وجود پہ ہندوستاں کو ناز
اہل نظر سمجھتے ہيں اس کو امام ِ ہند
اعجاز اس چراغ ہدايت کا ہے يہي
روشن تر از سحر ہے زمانے ميں شام ِ ہند
تلوار کا دھني تھا ، شجاعت ميں فرد تھا
پاکيزگي ميں ، جوش محبت ميں فرد تھا
