ہم پہ ہو تیری رحمت جم جم ---- صلی اللہ علیہ وسلم
تیرے ثنا خواں عالم عالم ---- صلی اللہ علیہ وسلم
ہم ہیں تیرے نام کے لیوا --- اے دھرتی کے پانی دیوا
یہ دھرتی ہے برہم برہم ---- صلی اللہ علیہ وسلم
تیری رسالت عالم عالم تیری --- نبوت خاتم خاتم
تیری جلالت پرچم پرچم ---- صلی اللہ علیہ وسلم
دیکھ تیری امت کی نبضیں --- دوب چکی ہیں ڈوب رہی ہیں
دھیرے دھیرے مدھم مدھم ---- صلی اللہ علیہ وسلم
دیکھ صدف سے موتی ٹپکے ---- دیکھ حیا کے ساغر جھلکے
سب کی آنکھیں پر نم پرنم ---- صلی اللہ علیہ وسلم
قریہ قریہ بستی بستی ---دیکھ مجھے میں دیکھ رہا ہوں
نوحہ نوحہ ماتم ماتم ---- صلی اللہ علیہ وسلم
اے آقا اے سب کے آقا --- ارض و سما ہیں زخمی زخمی
ان زخموں پہ مرحم مرحم --- صلی اللہ علیہ و سلم
